Todi Jónsson skal venja NSÍ

14.01.2022 - 21:24
ÍtrótturFótbóltur
Todi Jónsson skal venja NSÍ
Tað verður føroyska fótbóltslegendan, Todi Jónsson, sum skal venja NSÍ í ár. Tað boðar NSÍ frá í kvøld
Fótbóltslegendan Todi Jónsson skal venjar NSÍ
 

"Vit eru errin av at presentera okkara nýggja høvuðsvenjara, álopslegenduna Toda Jónsson."

Soleiðis skrivar NSÍ á heimasíðuni í kvøld. 

Todi Jónsson er besti føroyski fótbóltsspælari, ið Føroyar nakrantíð hava fostrað, og hann stóð eitt skiftið á odda fyri einari yvirtøku av Fremad Amager, sum tó ikki gekk sum ætlað. 

Men Todi Jónsson er eitt fullkomiliga óskrivað blað sum venjari, og tí er talan um eina satsing av NSÍ.

 

Fer í holt við A-loyvið

NSÍ skrivar, at Todi Jónsson hevur ProAcademy-venjaraútbúgving, ið hevur eitt ógvuliga breitt fokus á fjølbroyttar venjingar, lívsstíl, heilsu og styrki. Hartil er Todi Jónsson DBU-T venjari, ið er ein serlig útbúgving til fyrrverandi yrkisleikarar.

NSÍ ger vart við, at Todi Jónsson fer skjótast gjørligt í holt við at taka A-venjaraprógvið, sum krevst fyri at standa á odda fyri einum liði í Betri-deildini.

Afturat sær fer Todi Jónsson at hava Poul Helgi Jacobsen og Jens Martin Knudsen, ið eru kendir í felagnum, sum hjálparvenjarar.

 

Satsa lokalt

Todi Jónsson hevur fingist nógv við leikaramenning, síðani hann gavst sum yrkisleikari, er nakað, ið hevur tiltalað nevndina í NSÍ. 

”Tá NSÍ nú satsar lokalt, so er Todi eitt upplagt val sum venjari. Hann kann geva okkara lokala og unga hópi íblástur," staðfestir Dánial Hansen, formaður, við heimasíðuna hjá NSÍ. 

"Við hesum royndum – sum yrkisleikari og persónligur venjari – er Todi Jónsson eitt natúrligt val til at útvikla okkara leikarar enn meira”, leggur Dánial Hansen, formaður, afturat. 

 

 
Er kopiera

Sí eisini

Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968