Skuldsettur fyri at hava brotið tagnarskyldu í loyniligum málum

14.01.2022 - 13:46
AktueltÚtheimurin
Skuldsettur fyri at hava brotið tagnarskyldu í loyniligum málum
Claus Hjort Frederiksen, fyrrverandi danskur verjumálaráðharri, er eisini skuldsettur fyri at hava borið ríkisloynidómar víðari
Claus Hjort Frederiksen, fyrrverandi verjumálaráðharri.
Mynd: RitzauScanpix  
 

Fyrrverandi verjumálaráðharrin í Danmark, Claus Hjort Fredriksen, er í dag skuldsettur fyri at hava brotið tagnarskyldina.

Tað váttar Claus Hjort Fredriksen sjálvur í tíðindaskrivi.

Hann er haraftrat skuldsettur fyri at hava givið ríkisloynidómar víðari.

Claus Hjort Fredriksen, sum er í Vinstraflokkinum, hevur í fleiri umførum váttað, at Danmark og USA samarbeiða um at taka dátur úr fjarskiftiskáplum.

Upp í 12 ára fongsul

Claus Hjort Fredrisken sigur, at hann er skuldsettur eftir grein 109 í revsilógini.

Revsikarmurin í grein 109 er upp í 12 ára fongsulsrevsing fyri at avdúka, ella geva víðari ríkisloynidómar, ætlanir ella avgerðir, sum kunnu seta trygdina í ríkinum í váða mótvegis fremmandum valdi.

Fyrrverandi verjumálaráðharrin sigur tó í tíðindaskrivinum, at hann ikki kundi funnið uppá at gera nakað, sum kann skaða Danmark ella áhugamálini hjá Danmark.

Sambært Danmarks Radio er tað ein samrøða í Weekendavísini í september 2020, sum byrjaði málið, og er grundarlagið undir skuldsetingini.

Byrjaði í nítiárunum

Tá segði Claus Hjort Fredriksen, at hann hvørki kundi vátta ella avsanna, at danska fregnartænastan samstarvaði við amerikansku fregnartænastuna um upplýsingar úr samskiftiskáplum, men segði síðani, at tað var í prinsippinum tað, tey tosaðu um.

Tá hann síðani var spurdur, nær hann sum verjumálaráðharri fekk slíkt at vita "í prinsippinum," svaraði hann, at tað fekk hann tíðliga, tí tað var umráðandi sum verjumálaráðharri og politiskur stjóri fyri fregnartænastuna at vita um slík samstørv, sum kunnu vera viðkvom og kunnu elva til, at danskir ríkisborgarar koma í trupulleikar.

Síðani er komið fram, at samstarvsavtalan millum donsku og amerikansku fregnartænastuna byrjaði í nítiárunum.

Er kopiera
Nýggjastu sendingar í ÚV
Mikudag 25. mai
LEITISSTEIN 24.04.2022
140144
Mikudag 25. mai
Nón 25. mai 2022
140137
Mikudag 25. mai
Breddin - Fangi hjá Islamskum Stati
140117
Mikudag 25. mai
Góðan morgun Føroyar 25.05.22
140108
Mikudag 25. mai
Morgunlestur mikudagur 25.mai 2022
139980
Nýggjastu sendingar í SV
Mánadag 23. mai
3-2
140037
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731