Landsgrannskoðarin: Landsroknskapurin er ófullfíggjaður

30.11.2021 - 09:36
AktueltPengar
Landsgrannskoðarin: Landsroknskapurin er ófullfíggjaður
Løgtingsgrannskoðararnir hava nógvar viðmerkingar um landsroknskapin fyri 2020 í uppskotinum til samtyktar um at góðkenna hann, sum kemur fyri í løgtinginum í dag
Savnsmynd
Mynd: Bjarni Árting Rubeksen  
 

Løgtingið fer í dag at atkvøða um landsroknskapin fyri 2020. 

Løgtingsgrannskoðararnir hava nógvar viðmerkingar um landsroknskapin í uppskotinum til samtyktar um at góðkenna hann.

Løgtingsgrannskoðararnir leggja serligan dent á, at landsroknskapurin er ikki fullfíggjaður, millum annað tí, at nakrir stovnar og grunnar eru ikki við í fíggjarlógini, landsroknskapinum ella í fíggjarstøðuni, og at tølini í nógvum roknskapum samsvara ikki við landsroknskapin.

 

TAKS manglar innaneftirlit

Løgtingsgrannskoðararnir vísa á, at innaneftirlitið hjá TAKS á nøkrum økjum er ikki nøktandi, millum annað í sambandi við  lønarhæddaravgjald, loyvisgjald á alivinnu og Barsilsskipanina.

Strandferðslan er farin í holt við eina KT-skipan uttan greiða kostnaðarætlan, uttan at bjóða skipanina út og uttan at gera skrivliga avtalu við veitaran.

Løgtingsgrannskoðararnir vísa eisini á, at fíggjarstýringin av útbyggingini av Landssjúkrahúsinum hevur ikki verið nøktandi, og at landsgrannskoðarin enn einaferð tekur fyrivarni í roknskapinum fyri serviðgerð uttanlands.

Tingfundurin í dag er kl.13.00.

Er kopiera

Sí eisini

  •  
Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968