Ein nýggj byrjan fyri Froðbiar Sóknar Róðrarfelag

04.11.2021 - 21:27
ÍtrótturKappróður
Ein nýggj byrjan fyri Froðbiar Sóknar Róðrarfelag
Fyrsta flagið til nýggja neystið og vatndepilin hjá Froðbiar Sóknar Róðrarfelag á Hvítanesi á Tvøroyri varð loyst í gjár, og arbeiðið at byggja neystið er harvið byrjað
Soleiðis skal nýggja neystið og vatndepilin á Tvøroyri síggja í
 

Kappróðrarumhvørvið í Tvøroyarar kommunu gongur spennandi tíðum ímøti, nú arbeiðið at byggja nýgga kappróðrarneystið hjá Froðbiar Sóknar Róðrarfelag (FSR) er byrjað. 

"Ein nýggj byrjan," skrivar FSR á facebook-vanganum hjá sær. 

Nýggja neystið á Tvøroyri verður meir enn eitt neyst, tí talan verður um ein vatndepil, har møguleiki eisini verður fyri kajakk-rógving, SUP (Stand up paddling), sjódypp, sauna og øðrum virksemi, ið knýtur seg at vatni. 

 

Drúgv tilgong

Tilgongdin til nýggja neystið hjá FSR hevur tikið drúgva tíð, men nú er fyrsta flagið loyst.

Danski LOA-grunnurin, Lokale & Anlægsfonden, er við í verkætlanini. LOA-grunnurin var eisini við til at fíggja Bylgjuna og Skótahúsið í Runavík og leggur stóran dent á arkitekturin. 

Nýggja neystið og vatndepilin verður ein kollvelting fyri rógviumhvørvið á Tvøroyri, tí Froðbiar Sóknar Róðrarfelag hevur húsast í bingjum á gomlu bedingini á Tvøroyri í eina tíð

Tað varð Egon Rasmussen úr Øravík, ið loysti “fyrsta flagið”. Egon Rasmussen er elsti núlivandi rógvari í FSR. 

 

Kostar 10,3 mió. kr. 

Nýggja neystið og vatndepilin fer at liggja á Hvítanesi, beint vestanfyri gamla bygningin hjá Poul Hansens Heilsølu, har arbeiðsmenninir hjá Tvøroyrar kommunu halda til í dag.

Uni Jacobsen, formaður í FSR, sigur, at tað er ein góð kensla, nú tað endiliga verður farið í gongd.

Verkætlanin, ið kemur at kosta uml. 10,3 milliónir, er partvíst fíggjað av LOA-Grunninum, Tvøroyrar kommunu og FSR.

Neystið verður stórt, umleið 12x30m, við stórum felagshøli og venjingarmøguleikum.

Orkan, ið verður nýtt í húsinum, verður grøn. Í skrivandi stund er ikki greitt, um tað verður jørð- ella sjóhiti, ið verður valdur, men tað liggur so í kortunum, at tað verður eitt av hesum.

 

Er kopiera
Nýggjastu sendingar í ÚV
Leygardag 2. juli
Morgunlestur leygardagur 2.juli 2022
141508
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Nýggjastu sendingar í SV
Fríggjadag 1. juli
Jól í tónleikinum
141718
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491