Stórt OL-vónbrot fyri Sverra

30.07.2021 - 02:09
ÍtrótturKappróður
Stórt OL-vónbrot fyri Sverra
27 ára gamli miðvingurin, Sverri Sandberg Nielsen, megnaði ikki at rógva seg til OL-heiðursmerki
 

Vónirnar vóru so góðar til, at Sverri Sandberg Nielsen kundi vinna OL-heiðursmerki í Tokyo. 

OL-finalan byrjaði eisini akkurát sum hon skuldi, tí Sverri fekk ein dreymastart og legði seg beinavegin á odda. 

Tað gjørdi Sverri Sandberg Nielsen eisini, tá farið var um 500 metra merkið.  

Grikkin streyk avstað

Men so byrjaði ferðin hjá griska Stefanos Ntouskos brádliga at økjast ógvusliga. Grikkin streyk fram um bæði Sverra Sandberg Nielsen og Kjetil Borch úr Noregi. 

Grikkin helmaði ongantíð í, men økti javnt og samt fram móti málinum. 

Sverri Sandberg Nielsen royndi at svara aftur, men tíverri munaði tað ikki.

 

Sverri dragnaði

Heldur tvørturímóti dragnaði Sverri Sandberg Nielsen.

Kjetil Borch fór framum og í spurtinum, har Sverri Sandberg Nielsen plagar at vera so sterkur, steðgaði Sverri heilt upp.

Beint áðrenn málstrikuna varð miðvingurin eisini yvirhálaður av kroatiska Damir Martin, so hann endaði á fjórða plássinum og uttan eitt OL-heiðursmerki at vísa á.

15 hundraðpartar skiltu Sverra Sandberg Nielsen frá bronsu-heiðursmerkinum. 

 

OL-finalan

1. Stefanos Ntouskos, Grikkaland 06:40.45
2. Kjetil Borch, Noreg 06:41.66
3. Damir Martin, Kroatia    06:42.58
4. Sverri S. Nielsen, Danmark 06:42.73
5. Alexander VyazovkiN, Russland 06:49.09
6. Mindaugas Griskonis, Litava 06:57.60

 

Er kopiera
Nýggjastu sendingar í ÚV
Leygardag 2. juli
Morgunlestur leygardagur 2.juli 2022
141508
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Nýggjastu sendingar í SV
Fríggjadag 1. juli
Jól í tónleikinum
141718
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491