Sverri sannførandi víðari til hálvfinaluna

25.07.2021 - 09:15
ÍtrótturKappróður
Sverri sannførandi víðari til hálvfinaluna
Næsta fetið er tikið móti finaluni, tí í nátt vann Sverri Sandberg Nielsen seg til hálvfinaluna, sum verður hósmorgunin
Sverri rør seg til sannførandi sigur
Mynd: Rógvi Langgaard  
 

Við einum tryggum fyrsta plássi er Sverri Sandberg Nielsen víðari til hálvfinaluna, sum verður hósmorgunin klokkan 3 okkara tíð. 

Tíðliga legði Sverri seg fremst og helt eina trygga leiðlsu allan róðurin, og tað var ongantíð nakar ivi um at hann fór at gerast fyrstur um mállinjuna.

Sjálvur er Sverri væl nøgdur.

- Hatta var rættiliga gott. Eg komi rímiliga gott frá byrjan, men tað er ræðuliga ringt at starta her úti, tí vatnið er øgiliga óróligt, so tey fyrstu trý tøkini eru hørð, men so komi eg rættiliga tíðliga frammum, og merki væl at hinir ikki klára at fylgja við. 
- Teir síðstu 500m eru ikki serliga góðir, kanska tí eg eri so langt frammanfyri, men annars gekk tað ræðuliga væl.

Er kopiera
Nýggjastu sendingar í ÚV
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286