OL verður uttan áskoðarar

09.07.2021 - 11:14
Aktuelt
OL verður uttan áskoðarar
Tá Olympisku Leikirnir fara av bakkastokki í japanska høvuðsstaðnum Tokyo 23. juli, tað er um tvær vikur, verður tað uttan áskoðarar
Sverri Sandberg Nielsen má rógva uttan áskoðarar til OL í Japan. Kanska ikki so stórur missur hjá Sverra
Mynd: Føroya Tele á Facebook  
 

Avgerðin at sýta áskoðarum atgongd er tikin av japanska ráðharranum fyri Olympisku Leikirnar, Tamayo Marukawa, eftir samráðingar við embætisfólk hjá altjóðu olympisku nevndini og fyrireikararnar. 

Fyrr í morgun boðaði australski tennisleikarin, Nicolas Kyrgios frá, at hann nú ikki fer at kappast á olympisku leikunum, millum annað tí, at  hann ikki vil spæla á tómum leikvøllum.

Heilsumálaráðharrin í Japan, Norihisa Tamura, sigur tó sambært Reuters, at hann harmast vegna ítróttarfólki, men avgerðin er røtt.

"Til allar áskoðarar, verið heima til olympisku leikirnar, og njóti tiltakið heima saman við familjum tykkara," segði hann á tíðindafundi í morgun okkara tíð.

Fyrireikararnir hava drigist við lítla almenna undirtøku millum íbúgvarnar í Tokyo, fyri at fyriskipa leikunum.

Ein meiningarkanning vísti herfyri, at 35% av fólkunum Japan vóru fyri at banna øllum áskoðarum til leikirnar, 26% vóru fyri avmarkaðum áskoðaratali, meðan 34% vildu hava leikirnar avlýstar ella útsettar, skrivar Reuters.

Er kopiera
Nýggjastu sendingar í ÚV
Leygardag 26. november
Brunsj við Jóhan á Plógv
148542
Leygardag 26. november
Jambalaja 261122
148541
Leygardag 26. november
Upp á tá - 251122
148534
Nýggjastu sendingar í SV
Fríggjadag 25. november
Andglettur: Miðflokkurin
148521
Fríggjadag 25. november
Fólkaflokkurin í Tinginum
148485
Hósdag 24. november
Framsókn í Andglettinum
148458
Hósdag 24. november
Val kring landið - Vestmanna
148430
Mikudag 23. november
Valfundur í Lívdini í Hoyvík
148403