Veljarakanning: Samgongan missir meirilutan

02.06.2020 - 14:48
AktueltPolitikkur
Veljarakanning: Samgongan missir meirilutan
Spyr.fo hevur gjørt kanningina fyri Portalin
Samgongan hevði mist meirilutin, og Javnaðarflokkurin hevði verið størstur, var val nú, vísir nýggj veljarakanning
 

Samgongan missir meirlutan, og Javnaðarflokkurin verður størsti flokkur.

Spyr.fo hevur gjørt veljarakanning fyri Portal.fo.

Fríggjadagin spurdu tey 500 fólk, hvønn tey høvdu valt, um løgtingsval var í dag. Úrslitið av kanningini er, at andstøðan fær meira 53 prosent av atkvøðunum, sum svara til 17 tingsessir. 

27,1 prosent siga seg velja Javnaðarflokkin, framgongdin er 4,9 prosentstig. Tað gevur níggju tingsessir, sum eru tveir fleiri enn í dag.

Framsókn gongur eitt vet fram, 1,4 prosentstig. Tjóðveldi stendur at kalla í stað, framgongdin er 0,1 prosentstig.

Samgongan missir

Stóru samgonguflokkarnir missa allir eitt vet. Fólkaflokkurin missir 1,6 prosentstig og Sambandsflokkurin eitt prosentstig.

Miðflokkurin og Sjálvstýri missa eisini, Miðflokkurin 1,1 prosentstig og Sjálvstýri 1,3 - og hesir báðir flokkar høvdu mist hvør sítt umboð til Javnaðarflokkin, skrivar Portal.fo.

Portalurin skrivar eisini, at hóast Sjálvstýri ofta missir sína umboðan á tingi í slíkum veljarakanningum, so hevur flokkurin ongantíð, síðan Spyr.fo byrjaði at gera regluligar veljarakanningar fyri Portalin á vetri 2018, havt so lítla undirtøku sum nú.

2,9 prosent siga seg velja Sjálvstýri, vísir kanningin.

Er kopiera
Nýggjastu sendingar í ÚV
Nýggjastu sendingar í SV
Mikudag 10. august
Úr savninum: Urtagarðurin 6:8
143136
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769