Mette Frederiksen framvegis stóra undirtøku

01.06.2020 - 17:23
AktueltÚtheimurin
Mette Frederiksen framvegis stóra undirtøku
Tiltøkini, sum danski stjórnarflokkurin hevur sett í verk í sambandi við koronu, ávirka ikki, heldur tvørturímóti
Var val nú, hevði stjórnarflokkurin hjá Mette Frederiksen, forsætisráðharra fingið 34,7 prosent av atkvøðunum
 

Hóast andstøðuflokkarnir í fólkatinginum finnast hvassliga at Mette Frederiksen, forsætisráðharra, og sosialdemokratisku stjórn hennara fyri handfaringina av koronakreppuni, tekur veljarin dyggiliga undir við henni.

Ein kanning, sum Ritzau-tíðindastovan hevur latið gera, vísir, at var val nú, hevði stjórnarflokkurin fingið 34,7 prosent av atkvøðunum.

Ein kanning fyri trimum mánaðum síðani vísti, at danski javnaðarflokkurin hevði fingið 26 prosent. Tað var beint undan fyrstu tiltøkunum, sum stjórnin setti í verk í sambandi við koronavirusið.

Hóast danska samfelagið at kalla læt aftur, hevur tað ikki ávirkað umdømdið hjá Mette Frederiksen, tvørturímóti.

62 sessir

Í kanningini, sum Voxmeter hevur gjørt fyri Ritzau, og sum verður kunngjørd í dag, fær sosialdemokratiski stjórnarflokkurin 34,7 prosent av atkvøðunum, og tað hevði givið 62 sessir í fólkatinginum.

Hagfrøðiliga frávikið er 2,9 prosentstig hvønn vegin.

1036 fólk vórðu spurd í kanningini, sum varð gjørd frá 25. mai til í gjár, 31. mai.

Á fólkatingsvalinum fyri einum ári síðani, fingu sosialdemokratarnir 25,9 prosent av atkvøðunum og 48 fólkatingssessir.

Vinstri afturgongd

Nýggja veljarakanningin vísir, at størsti andstøðuflokkurin í fólkatinginum, Vinstri, fær 19,5 prosent og 35 sessir.

Á fólkatingsvalinum í fjør fekk Vinstri 23,4 prosent og 43 fólkatingsessir.

Var val nú, høvdu flokkarnir á reyða veingi fingið tilsamans 106 sessir í fólkatinginum og borgarligu flokkarnir 69 sessir.


 

Er kopiera
Nýggjastu sendingar í ÚV
Leygardag 28. januar
Brunsj við Jóhann Mortensen
151621
Leygardag 28. januar
Jambalaja 280123
151616
Leygardag 28. januar
Upp á tá 270123
151608
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286