Veljarakanning: Andstøðan vinnur

bannari
19.08.2019 - 15:08
AktueltPolitikkur
Veljarakanning: Andstøðan vinnur
Samgongan fær 15 tingsessir og missir meirilutan. Andstøðuflokkarnir fáa 18 sessir
 

Fólkaflokkurin verður størsti flokkur á løgtingsvalinum 31. august, og samgongan missir meirilutan.

Tað vísir ein veljarakanning, sum Gallup hevur gjørt fyri Kringvarpið.

Kanningin vísir, at samgongan missir tveir tingsessir, og fær tilsamans 15 sessir.

Andstøðuflokkarnir fáa tilsamans 18 sessir.

Býtið

Fólkaflokkurin, sum verður størsti flokkur, fær tveir sessir aftrat, og fær 8 tingsessir. Fólkaflokkurin fær 24,1 prosent av atkvøðunum.

Javnaðarflokkurin er næststørstur flokkur. Hann fær 21,2 prosent av atkvøðunum, men missir ein sess, og fær sjey tingsessir.

Sambandsflokkurin fær 20,1 prosent av atkvøðunum. Tað gevur ein sess aftrat, og Sambandsflokkurin fær sjey tingsessir tilsamans.

Tjóðveldi fær 18,2 prosent. Flokkurin missir ein sess, og fær tilsamans seks sessir.

Framsókn og Miðflokkurin varðveita báðar sínar tingsessir. Teir fáa ávikavist 7 og 5 prosent av atkvøðunum.

Sjálvstýri fær 3,5 prosent av atkvøðunum, og missir annan tingsessin.

Hvørki Framtakið fyri rættinum at velja kannabis ella Føroyaflokkurin verða umboðaðir í nýggja løgtinginum. Framtakið stendur til at fáa eitt prosent av atkvøðunum. 

Óvissan í kanningini er 1,8 prosent hvønn vegin.

541 spurd

Gallup gjørdi kanningina frá 12. til 16. august, sum var dagin fyri, at valevnislistarnir skuldu verða valnevndini í hendi. 

541 fólk vórðu spurd í kanningini.

HER KANST TÚ SÍGGJA VELJARAKANNINGINA

Er kopiera
Nýggjastu sendingar í ÚV
Fríggjadag 30. september
Morgunlestur fríggjadagur 30.september 2022
145510
Hósdag 29. september
RagnarRokk 29.September 2022
144015
Hósdag 29. september
RagnarRokk: Peter Iwers um The Halo Effect
144014
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956