Kært avgerð um umróður

Dómsnevndin í Róðrarsambandi Føroya fer sunnukvøldið at viðgerða kærurnar um úrskúrin hjá nevndini í róðrarsambandinum í sambandi við róðurin hjá fimmmannaførum gentum á Eystanstevnu.

Tað váttar Hans David Hansen, limur í dómsnevndini.

Róðrarsambandið fekk klagu um tjóvstart í FM-róðrinum á Eystanstevnu. Nevndin kannaði videotilfar frá málinum og kundi staðfesta, at ikki minni enn átta bátar tjóvstartaðu. Nevndin avgjørdi, at 5-mannafør gentur skulu rógva umaftur. 

- Tá støðan er soleiðis, so hava vit ikki annan møguleika enn at døma umróður, segði Annika Dalsgarð, forkvinna í Róðrarsambandinum um avgerðina.

Men tað fall ikki í góða jørð hjá øllum. Tvey feløg hava síðani kært úrskurðin hjá nevndini til dómsnevndina, har málið liggur nú.

Tríggir róðrar eru eftir í FM-kappingini. Róð verður á Fjarðastevnu, Vestanstevnu og á ólavsøku.

Niðanfyri síggjast videoupptøkur av Eystanstevnuróðrinum, tá átta bátar, sambært Róðrarsambandinum, tjóvstartaðu: