Skottilburður á Argjum

Skottilburður á Argjum
Klokkan 21 í gjárkvøldi fekk løgreglan fráboðan um, at onkur hevði skotið inn í eini hús á Argjum. Eingin persónsskaði var
 
21.12.2017 - 14:14

Løgreglan vil fegin frætta frá fólki, sum halda seg hava sæð okkurt, sum kann hava samband við skottilburð á Argjum í gjár. Eingin persónsskaði var.

Klokkan 21 í gjárkvøldi fekk løgreglan fráboðan um, at onkur hevði skotið inn í eini hús á Argjum. 

Hildur Hentze, dagligur leiðari á kriminaldeildini, sigur, at persónurin helst hevur staðið á eini gøtu longri uppi og hevur latið skot av, sum fór ígjøgnum tekjuna, og endaði í vegginum inni á vesinum.

Skotið er helst latið av fyrrapartin í gjár, men fólkini í húsinum varnaðst ikki skaðan, fyrr enn í gjárkvøldið.

Fyribils er staðfest, at EITT skot er latið av. Løgreglan avhoyrir íløtuni fólk í grannalagnum. 

Illgruni er um, at ein drongur, - yngri enn 18 ár, hevur latið skotið av, men hann noktar seg sekan. 

Løgreglan hevur gjørt húsarannsókn heima hjá unga dronginum, og hevur lagt hald á fleiri vápn, har vápnaloyvi krevst.

Barnaverndin er kunnað um málið. Tað verður altíð gjørt, tá talan er um persónar, yngri enn 18 ár, upplýsir Hildur Hentze.

Løgreglan vil, sum sagt, frætta frá fólki, sum halda seg hava vita okkurt, sum kann hava samband við skottilburðin á Argjum.

Er kopiera
Nýggjastu sendingar í ÚV
Týsdag 23. apríl
Breddin: Tilfeingisgjald og Orkukeldur
174104
Týsdag 23. apríl
Góðan morgun Føroyar
174099
Týsdag 23. apríl
Morgunlestur týsdagur 23. apríl 2024
173491
Mánadag 22. apríl
Mín síðsta deadline (1:6)
174044
Nýggjastu sendingar í SV
Týsdag 23. apríl
Veðrið
174126
Týsdag 23. apríl
3-2
174101
Týsdag 23. apríl
Dagur og vika við 3-2 - teknmálstulkað
174098
Sunnudag 21. apríl
Andakt við Sólrun Poulsen
174012
Sunnudag 21. apríl
Guðstænasta úr Hoyvíkar kirkju
174010