Tvær hátíðarguðstænastur í fólkakirkjuni

Í Bíggjar kirkju verður hátíðarguðstænasta klokkan ellivu í morgun, í samband við at tað 16. oktober vóru 150 ár liðin síðani kirkjan varð vígd

Jógvan Fríðriksson, biskupur, prædikar, Tórshavnar manskór fer at syngja og Katrin Jørgen spælir trompet á hátíðarguðstænastuni í kirkjuni í Bø.

Eisini hátíðarguðstænasta á Skála

Hátíðarguðstænasta verður eisini á Skála, nú kirkjan í bygdini er 75 ár. Bygafólkið á Skála er í morgun boðið til morgunmat í kirkjukjallaranum, skrivar folkakirkjan.fo

Á hátíðarguðstænastuni klokkan prædikar Símun P. Jacobsen. Sangur og tónleikaframførslur verða eisini á guðstænastuni.

Kringvarpið sendir báðar hátíðarguðstænasturnar í dag. Klokkan 11 senda vit guðstænastuna í Bø í útvarpinum, og klokkan 16 senda vit guðstænastuna á Skála í sjónvarpinum.