Jóan Símun Edmundsson til AB

Føroyski landsliðsleikarin hevur leingi leitað eftir nýggjum felagi. Ynski hjá honum var at koma uttanlands, men tað hevur eftir øllum at døma ikki eydnast.

Tó er nógv ið bendir á, at Jóan Símun Edmundsson framvegis vil spæla fótbólt uttanlands, tí sáttmálin við AB er bara galdandi til summarhálvuna.

Jóan Símun Edmundsson er fegin um, at sáttmálin er komin upp á pláss

"Eg eri fegin um at vera komin heim til Føroya. og glaður um at kunna spæla við AB"

"Ein av orsøkunum til at eg eri komin heim aftur er, at eg ikki havi fingið so nógva spælitíð uttanlands. Nú vóni eg at sleppa at spæla nógvar dystir, og tað gleði eg meg til", sigur Jóan Símun Edmundsson við ab.fo

Jóan Símun Edmundsson hevur spælt 23 landsdystir fyri Føroyar, og hevur skorað eitt mál.

Hann hevur spælt uttanlands síðan 2010, har hann hevur umboðað Newcastle, Gateshead, Viking og Fredericia.