Størri og størri dentur verður lagdur á umhvørvi, tá ið skip verða sniðgivin í dag, sigur Marni Olsen. Og tað merkir eitt nú, at skipini gerast so long sum gjørligt. Hugsandi er eisini, at sum frálíður verður brennievnið ethanol, ammoniakk ella grønt diesel. Tá ið talan er um el-rikin skip, fara hesi at sigla styttri farleiðir. Eisini verða royndir gjørdar við seglføring á stórum ferðamannaskipum.
Tá ið talan er um útsjóndina á skipum, sigur Marni Olsen at flest øll, sum arbeiða við sniðgeving av skipum, leggja seg eftir at tekna vøkur skip. Eisini hava teknistovurnar ofta síni sereyðkenni, tá ið talan er um snið og útsjónd.
Knud E. Hansen hevur millum annað teknað gomlu og nýggju Norrønu, tríggjar teir seinastu Smyrlarnir, Ólav Halga og Riturnar báðar.
Tú kanst hoyra samrøðuna við Marna Olsen her!