Góðan morgun Føroyar

Mental venjing er av alstórum týdningi
29-01-2024
- Tað snýr seg um at halda fokus í eini spentari støðu og vera tilvitaður um sín leiklut, sigur Jens á Skipagøtu, mentalur venjari hjá hondbóltslandsliðnum hjá monnum.

Tað snýr seg um at halda fokus, hava tamarhald á andradráttinum og loysa uppgávuna, tú hevur fingið.

Hetta er í stuttum tað, sum mental venjing snýr seg um.

"Tann mentali parturin hevur eisini nógv at siga." Hetta hoyra vit eftirhondini javnan, tá tosað verður um ítróttaavrik. Eitt nú bleiv mental venjing fleiri ferðir nevnd í sambandi við dystirnar hjá føroyska hondbóltslandsliðnum hjá monnum í Berlin.

Men hvat er mental venjing í grundini?

- Í høvuðsheitum snýr tað seg um, at vit royna at byggja eina mentan upp rundan um eitt lið, sum arbeiðir út frá nøkrum virðum. Og so arbeiða vit við, at teir skulu megna at halda fokus so leingi sum møguligt og registrera, um teir missa fokusið eina løtu.

Soleiðis sigur Jens á Skipagøtu, sum er mentalur venjari hjá hondbóltslandsliðnum hjá monnum.

Sambært honum hevur tað nógv at siga, at ítróttafólk eru væl fyri ikki bert kropsliga men eisini mentalt.

- Tað eru ymiskir tankar, sum kunnu stinga seg upp í eitt nú einum hondbóltsdysti. Skjýtir tú upp á mál men brennur, veðrur settur út á bonkin ella okkurt tílíkt, so nyttar lítið, at tú spekulerar upp á júst tað. Tí so spekulerar tú jú ikki upp á, hvussu tú fært bóltin í netið næstu ferð, fortelur Jens á Skipagøtu.

Í morgunsendingini greiðir Jens á Skipagøtu frá mentalari venjing og hvussu hon ávirkar ítróttafólk og teirra avrik.
 

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Veðrið, heilsuverkið, Taylor Swift, diamantbrúdleyp
23-05-2024
OL rógving, veðrið, føroyingar og Russland, verkfall, børn, ung og rúsdrekka
22-05-2024
Hoyr alla sendingina
21-05-2024
Spurningar, ið verða viðgjørdir á Íróttatinginum, eru eitt nú hví fleiri gentur enn dreingir gevast at venja í tannárunum
21-05-2024
Veðrið, kapping, Glymur, bygdarsavn í Kvívík
17-05-2024
Veðrið, dagstovnar, fuglasending, skúla OL
16-05-2024
Veðrið, svimjihøllin og kommunulæknin um ovurviðkvæmi
15-05-2024
Veðrið, verkfall og skógvar til føroysk klæðir
14-05-2024
Veðrið, Sigrið Sivertsen og herðaklappið, parkeringsbásar til avlamin
13-05-2024
Innsavning Blái Krossur, veðrið, kapping, Eurovision, ójavni í lønarlagi
10-05-2024
Veðrið, húðkrabba, samkirkjudagar, straight ahead
08-05-2024
Veðrið, hondbóltur, stand-up, slaktari
07-05-2024