Góðan morgun Føroyar

Tað var ein søgulig hending, tá eitt toymi á Odense Universitetshospitali herfyri fyri fyrstu ferð í Danmark framdi eina kikaraskurðviðgerð á einum nýføðingi, ið er føddur við holi í vælindinum.

Í toyminum er føroyski skurðlæknin Súsanna Petersen, sum hevur undirsergrein í barnakirurgi, og hevur arbeitt á Odense Universitetshospitali í nógv ár.

- Hetta er ein slóðbrótandi viðgerð í Danmark og hevur stóran týdning fyri, hvussu skjótt og væl børnini koma fyri seg", sigur Súsanna. Hon fegnast um at kunna vera við til at hjálpa nýføðingunum og familljum teirra.

- Tað hevur kravt nógva fyrireiking og altjóða samstarv at koma hertil, og tað er fantastiskt at vit nú kunnu veita hesa viðgerð í Danmark sigur Súsanna.

Lurtið eftir samrøðuni við Súsannu, har hon greiðir frá nýggju viðgerðini.