Góðan morgun Føroyar

Tá kvinnur blíva óarbeiðsførar av menstruatión
19-05-2022
Umleið 10. hvør kvinna er hart rakt av menstruatiónspínu, og Sólja Petersen er ein teirra. Av somu orsøk hevur hon eitt tillagað starv.

Krampar, óúthaldilig pína, spýggja og møði.

Í nógv ár hevur hetta verið gerandisdagurin hjá 24 ára gomlu Sólju Petersen, teir dagarnar hon hevur menstruatión.

Umleið 10. hvør kvinna er hart rakt av menstruatiónspínu, og Sólja Petersen er ein teirra.

Hvønn mánað missir hon arbeiðsdagar, tí hon heilt einfalt ikki er før fyri at arbeiða, tí hon er so illa fyri av menstruatiónspínu.

- Okkurt árið hevði eg eini 68 dagar, har er ikki var til arbeiðis, tí eg var so illa fyri, sigur Sólja Petersen.

Av tí sama hevur Sólja Petersen í dag eitt tillagað starv, soleiðis at hon arbeiðir hálva tíð.

- Hetta er ein góð loysn fyri meg, tí so kann eg eisini koma fyri meg, tá teir strævnastu dagarnir við menstruatiónspínu eru av, sigur Sólja Petersen.

Spania hevur sum fyrsta landið í Evropa sent eitt lógaruppskot til parlamentið, sum snýr seg um, at kvinnur skulu kunna hava sjúkrafráveru við løn hvønn mánað, tá tær hava mestruatión. Ætlanin er, at staturin og ikki arbeiðsplássi skal betala fyri hesar sjúkradagarnar. Lógaruppskotið skal tó til viðgerðar, áðrenn tað gerst veruleiki, og roknast kann við, at tað ganga nakrir mánaðir, áðrenn uppskotið fer til avgreiðslu. Hetta veit tíðindastovan AFP at siga.

Í morgunsendingini skiftu Sólja Petersen og Katrin Kallsberg, serlækni í kvinnusjúkum, orð um evnið.
 

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Veðrið, komið øll við framsýning, kvinnan í kirkjuni, søgulig brøv, ljóðbøkur
05-03-2024
Bókasavnið í Skúlanum við Streymin skipar í hesum døgum fyri øðrvísi lesiátaki
04-03-2024
Hoyr alla sendingina
04-03-2024
Hoyr alla sendingina
01-03-2024
Veðrið, skotár, fólksins rødd, bindiskeið
29-02-2024
- Børn og foreldur skulu ikki vera bestu vinir, og foreldur mugu tora at taka ópopulerar avgerðir, sigur Sára Gullfoss, heilsufrøðingur
29-02-2024
Tað liggur til føroyingar at tosa nógv um familju, slekt og slag, og tí kennir man seg eitt sindur øðrvísi, tá man ikki hevur hetta at tosa um.
28-02-2024
Hoyr alla sendingina
28-02-2024
Hettutroyggja og blusur við politiskum boðskapi hoyra ikki heima á tingsins røðarapalli. - Klæðini skulu vera siðilig og tignarlig, sigur Bjørt Samuelsen, tingforkvinna
27-02-2024
Hoyr alla sendingina
27-02-2024
Vestmenningurin Harald Bjørgvin er í Antarktis saman við 84 øðrum myndafólkum.
27-02-2024
Summi foreldur halda, at tey hjálpa teimum blaðungu við at geva teimum nakrar fáar øl, men í roynd og veru er hetta ein bjarnatænasta, heldur SSP-ráðgevi.
26-02-2024