Breddin

Breddin: Nýggjur stóreigari í BankNordik
15-08-2023
Gullak Madsen eigur nú 16 prosent í føroyska bankanum

Feløg hjá føroyska kvotakonginum Gullak Madsen eiga nú nærum 16 prosent av partabrøvunum í Bank Nordik. 

Tað er greitt eftir, at bankin hósdagin í farnu viku boðaði keypsskálanum í Keypmannahavn frá, at bankin dagin fyri hevði fingið upplýst, at sp/f frá 25. september 1978 - við skrivstovu Undir Bryggjubakka 21 - nú eigur 500.000 partabrøv í BankNordik. 

Í prosentum svara tað til 5,2 prosent av partabrøvunum í bankanum. 

Ognarskapurin veksur
Frammanundan eigur Gullak Madsen longur fitt av partabrøvum í bankanum. 

03. juli upplýsti bankin nevniliga fyri keypsskálanum, at danska íløgufelagið Ruth Holding ApS nú átti 1.022.390 partabrøv í bankanum. Tað svarar til 10,65 prosent. 

Tá keypti Ruth Holding ApS partabrøvini frá danska íløgufelagnum Lind Invest - hjá ríkmanninum Henrik Lind - í einum handli, sum hevði eitt virði á 143 milliónir krónur. 

Sostatt hava feløg hjá føroyska kvotakonginum keypt partabrøv í Bank Nordik í summar fyri umleið 210 milliónir krónur. 

Góð íløga
Tað er ein góð íløga at seta pengar í BankNordik, hóast yvirskotini neyvan vera tey somu, sum tey hava verið seinastu árini. 

Tað sigur Sveinur Tróndarson, sum í nógv ár hevur fylgt við og dekkað Bank Nordik og føroysk vinnulív sum journalistur og blaðstjóri. 

Hann væntar, at við broytta eigaraskarðanum verður nú meira friður í bankanum. 


Gjørt sendingina hava Birgit Carina Eliasen, Jógvan Skeel Nolsøe og Hallur av Rana, sum var redaktørur.
Tøkningur var Rúni Eysturlíð

Breddin

Sending um aktuel evni, sum verður send týsdag, mikudag, hósdag og fríggjadag klokkan 10.00.
Tað er ringt at finna nakað at búgva í, um tú vil búseta teg á bygd, og enn verri at fáa lán til at byggja eini hús fyri, um tey eru uttanfyri miðstaðarøkið
14-06-2024
Høgravongurin vann stórsigur á ES-valinum, og tað hevði við sær, at Emmanuel Macron óvæntað hevur skrivað út val til tjóðartingið
13-06-2024
Tað eru fleiri trupulleikar við elbilum. Eitt nú er orkan ikki altíð grøn, vandamikil evni eru í battarínum og enn eru ongar reglur um burturbeining
11-06-2024
Skal tílgongdin av útlendskari arbeiðsmegi avmarkast? Tað spyrja vit landsstýrismannin um. ES snarar helst til høgru, vit tosa við sendikvinnuna í Bruxelles
07-06-2024
Podvarpið, Elians Sonur, hevur fingið sinnið í kók hjá fleiri, eftir at tað var sent sum útvarp - onnur hálova tí
04-06-2024
Eingin seming á hesum sinni - tað merkir helst fleri vikur aftrat. Vit tosa m.a. við Ingeborg Winther, sum finst at manglandi stuðuli frá handverkarafeløgunum
31-05-2024
Tað er sera torført hjá ungum, sum eru flutt higar at læra føroyskt og danskt og tí eru nógv sum ikki fáa nakað fólkaskúlaprógv, sum kann brúkast til nakað
30-05-2024
Verkfallið hjá arbeiðarafeløgunum hevur nú vart í góðar tvær vikur, og á midnátt fer Havnar arbeiðskvinnufelag eisini í verkfall
28-05-2024
Nýggja ferðavinnulógin verður sett í gildi í fleiri stigum. Ferðagjaldið kemur í gildi 1.januar í 2026.
24-05-2024
Nýggj kanning vísir, at fólk, ið flyta til Føroyar, hava ilt við at blíva partur av samfelagnum
23-05-2024
Fríggjadagin varð atkvøðugreiðslan av elveitingarlógini ikki avgreidd, tí andstøðutingfólkini rýmdu út, tá atkvøðast skuldi
21-05-2024
Løgtingið heitir á landsstýrismannin í lógarmálum um at broyta lógina, so kommunur kunnu seta vakmyndatól upp í almenna rúminum
17-05-2024